Ir. Muyombano Sylvain

Ir. Muyombano Sylvain

Ir. MUYOMBANO Sylvain ni Umubitsi w’Inyandikompamo z’Ubutaka mu ifasi y’iyandikisha ry’ubutaka y’Intara y’Amajyepfo kuva muri 2016.

Afite uburambe buhanitse bw’imyaka 15 mu bijyanye n’imicungire n’imikoreshereze y’ubutaka, cyane cyane mu iyandikisha ry’ubutaka no gukemura amakimbirane ayo ariyo yose abushingiyeho, imitangire ya serivisi zijyanye n’iby’ubutaka.

Ni umwe kandi mu bagize itsinda rigamije kurushaho guteza imbere imicungire n’imikoreshereze inoze y’ubutaka, akaba ari Umuyobozi wa Komite ishinzwe ibijyanye n’impinduka, guhanga udushya no kugaragaza ibyashingirwaho mu gutanga serivisi nziza kandi yihuse mu Kigo cy’Igihugu Gishinzwe Ubutaka kuva 2015 kugeza ubu. 

Yagize na none uruhare mu mavugurura atandukanye ajyanye na Politiki y’Igihugu y’ubutaka n’amategeko abugenga kimwe no mu iyandikisha rusange ry’ubutaka ryabaye hagati ya 2008 na 2013.

Afite Impamyabushobozi Ihanitse (Master’s degree) mu bumenyi bw’ikoranabuhanga rikoreshwa mu bumenyi bw’isi bwifashishwa cyane cyane mu bijyanye imicungire n’imikorehereze y’ubutaka yavanye muri University of Twente (ITC) yo mu gihugu cy’u Buholandi (2012 – 2014).  Byongeye kandi afite Impamyabumenyi y’icyiciro cya kabiri mu bijyanye n’ubumenyi mu bya politiki n’imiyoborere rusange yavanye mu cyahoze ari Kaminuza Nkuru y’u Rwanda (UNR, 2006) akaba yarize kandi ibijyanye n’Amategeko n’ubutegetsi mu mashuri ye yisumbuye.  

Imeyiri: southernzone@lands.rw 

RUTAGENGWA Alexis

Alexis RUTAGENGWA ni impuguke mu bijyanye n’ubumenyi mu by’imitunganyirize y’imijyi n’icyaro no kurengera ibidukikije.

Afite impamyabumenyi ihanitse mu bijyanye n’ubumenyi bw’isi bwifashishwa mu bijyanye no kurengera ibidukikije n’iterambere rirambye hamwe n’impamyabumenyi y’icyiciro cya mbere cya Kaminuza mu bijyanye n’ubumenyi mu by’imitunganyirize y’ imijyi n’icyaro.

Yagiriye ingendoshuri n’amahugurwa mu bihugu bitandukanye birimo Kenya, Senegal, Ethiopia, Ubuhinde, Ubuholandi, Suwede, Koreya y’Amajyepfo na Leta Zunze Ubumwe z’Amerika.  

Kuva mu mwaka wa 2017 ni Umuyobozi w’Ishami rishinzwe guteza imbere imikoreshereze y’ubutaka no gutunganya amakarita mu Kigo cy’Igihugu Gishinzwe Ubutaka aho yagiye agira uruhare rufatika mu igenamigambi rirambye ry’imikoreshereze y’ubutaka, ivugururwa rya Politiki y’Igihugu y’ubutaka n’amategeko abugenga kimwe no mu iyandikisha rusange ry’ubutaka ryabaye hagati ya 2008 na 2013 no kuyobora itegurwa ry’Igishushanyombonera cy’imikoreshereze n’imitunganyirize by’ubutaka ku rwego rw’Igihugu cya 2020- 2050.

Yayoboye kandi  itegurwa ry’ibishushanyombonera bishya by’imikoreshereze y’ubutaka ku rwego rw’Uturere n‘ibindi byemezo byagiye bifatwa bigamije inozwa ry’imikoreshereze myiza y’ubutaka, ishyirwaho ry’ikoranabuhanga ryifashishwa mu gukusanya no gushyira hanze amakuru ndangahantu, gutunganya amakarita yo ku rwego rw’Igihugu yaba ayerekana imiterere y’ahantu cyangwa imikoreshereze y’ubutaka, ishyirwaho ry’urubuga rubika amakuru yose y’ubumenyi bw’isi n’ibishushanyombonera n’ishyirwaho ry’ingamba zigendanye no guteza imbere umwuga wo gupima ubutaka mu Rwanda.n’ibindi. 

Yabaye kandi umukozi wa Minisiteri y’ubuhinzi n’ubworozi mu gihe cy’imyaka itandatu mu mishinga yayo iterwa inkunga na Banki y’isi. Mbere y’iyi mirimo yabanje gukora mu Kigo cy’Igihugu gishinzwe ubutaka nk’umukozi wari ushinzwe gukora amakarita, gufata amakuru n’ibipimo by’ubutaka aho yagize uruhare runini mu bijyanye n’iyandikwa rusange ry’ubutaka ryabaye hagati ya 2008 na 2013, aho ibibanza bingana na 99% by’Igihugu cyose byarabaruwe bikanandikwa.

Imeyiri: Alexis.Rutagengwa@lands.rw

Mpayimana Protais

Protais MPAYIMANA, ni Umuyobozi w’ Ishami Rishinzwe Gukora Igenamigambi ry’ Imijyi n’ Icyaro mu Kigo Gishinzwe Ubutaka mu Rwanda. Afite ubunararibonye bw’imyaka irenga 8 ari umuyobozi w’Ishami (Division Manager) rishinzwe ibijyanye no kunoza imikoreshereze y’Ubutaka mu Rwanda, ndetse n’ubundi bunararibonye bw’imyaka itatu (3) ari umwarimu muri Kaminuza. Protais afite impamyabushobozi y’ikiciro cya 3 cya Kaminuza  mu masomo yo kubungabunga ibidukikije(Msc ), afite kandi impamyabushobozi y’ ikiciro cya 2 cya Kaminuza mu bijyanye n’Igenamigamibi no Gutunganya Imijyi n’Icyaro (Bachelor), ndetse akagira n’indi mpamyabumenyi yo kwigisha muri za Kaminuza n’amashuri makuru (PGCLTHE).

Protais afite inshingano zo gutunganya igishushanyombonera cy’ Igihugu, Ibishushanyombonera by’ uturere, ibishushanyombonera by’ imbitse bikorerwa k’ ubutaka bwagenewe guturwa, ndetse n’ ahagenewe ibindi bikorwa bitandukanye nk’ ubukerarugendo, ingano n’ ibindi, kwirinda ivuka ry’utujagari  no gufasha mu kuvugurura utujagari mu miturire, ndetse no guteza imbere izamuka ry’ imijyi hagendewe ku gishushanyombonera cy’ imikoreshereze y’ ubutaka, aho azagira uruhare rukomeye mu kuzamura imijyi igatuza abanyarwanda bangana na 70% muri 2050 bavuye kuri 27,9% muri 2022.

Mbere y’ uko agirwa umuyobozi mukuru w’ ishami (Division Manager) rishinzwe imitunganyirize n’ imikoreshereze y’ ubutaka mu Kigo cy’ Igihugu cy’ ubutaka (NLA) ku wa 1 Mata 2021, yari asanzwe ari Umuyobozi Umuyobozi w’ Ishami (Division Manager) rishinzwe gutunganya no guteza imbere imiturire y’ icyaro mu Kigo cy’ igihugu Gishinzwe Guteza Imbere Imiturire (RHA) kuva mu mwaka wa 2015 kugeza 2021. Kuva 2014 kugera 2015, akaba kandi yarahoze ari Umuyobozi w’ Agashami (Unity Director) gashinzwe Imiturire n’ ibikorwaremezo by’ Iterambere mu cyaro. Yabaye kandi Umwarimu wa Kaminuza nkuru ya Mount Kenya kuva muri 2012-2015, aho yigishaga amasomo ajyanye n’igenamigambi ry’ imikoreshereje y’ ubutaka ndetse n’ ibikorwaremezo, gukora amakarita hifashishijwe ikoranabuhanga ndetse n’ ibyogajuru, gutunganya imijyi n’icyaro,  kubungabunga ibidukikije n’ibindi. Kuva 2010 kugera 2012, Protais yari umukozi w’ Ikigo cy’ Igihugu Gishinzwe Umutungo Kamere (RNRA) ushinzwe gukora no gutunganya amakarita (GIS expert) biciye mu mushinga waterwaga inkunga na DFID.

Protais azwiho cyane kuba yaragize uruhare rukomeye mukuzamura igisata (field) cy’ igenamigambi mu Rwanda aho yafashije muguhindure imiturire n’ indi mikoreshereze y’ ubutaka bigakorwa bigendeye kucyo ubutaka bwagenewe gukoreshwa. Imbaraga ze zishingiye mu gukoresha ubumenyi afite mu igenamigambi, amabwiriza n’ amategeko abigenga ndetse akabihuza n’ icyerecyezo cy’ igihugu.

Ni Umuyobozi ufasha abakozi be mu gutunganya akazi kabo neza no kugera ku ntego zabo biciye mukubayobora neza, kubereka inzira nziza no kubashafa kugira umwuka mwiza haba mu kazi ndetse no hanze yako.

Imeyiri:  Protais.Mpayimana@lands.rw

Tuyisenge Jean Claude

Jean Claude Tuyisenge ni umunyamategeko w’umwuga. Afite impamyabumenyi ihanitse mu bijyanye n’amategeko mpuzamahanga y’ubukungu n’ubushabitsi hamwe n’impamyabumenyi ijyanye n’ubumenyi ngiro mu by’amategeko. 

Afite uburambe burenga imyaka 10 mu byerekeye amategeko. Yabaye umucamanza mu rukiko rw’Ibanze n’uw’urukiko rw’Ubucuruzi hagati y’umwaka wa 2012 na 2017. 

Kuva mu mwaka wa 2017 kugeza ubu ni Umubitsi w’Inyandikompamo z’ubutaka mu Ifasi y’iyandikishwa ry’ubutaka y’Intara y’Iburengerazuba.

Imeyiri: westernzone@lands.rw

Mukunzi Augustine Emmanuel

Mukunzi Augustine Emmanuel ni umunyamategeko wabigize umwuga. 

Afite uburambe buhanitse mu kazi (imyaka isaga 25), akaba yarakoze cyane mu bijyanye n’imicungire n'Imikoreshereze y’ubutaka mu Rwanda. Ni umwe mu batangije impinduka mu micungire y’ ubutaka mu Rwanda. Aho yakoze ku mwanya w’Umubitsi wungirije w’inyandikompamo mu Ntara y’Iburasirazuba (2006-2016) anahagararira ikipe yari ishinzwe gusaranganya inzuri muri Gishwati (2007-2008).

Mbere yari Umuyobozi w’ishami rishinzwe gukemura amakimbirane muri Minisiteri y’Ubutabera (1998-1999), Umushinjacyaha mu bushinjacyaha bukuru bw’u Rwanda mu ntara ya Cyangugu 1999-2004 no mu Ntara y’Umutara (2004-2006). Kuva mu mwaka wa 2006 kugeza ubu, Mukunzi Augustine Emmanuel ni Umubitsi w’Inyandikompamo z’ Ubutaka mu Ntara y’Amajyaruguru.

Imeyiri: northernzone@lands.rw